mere andar koi takta raha rasta us ka
main hamesha ke liye rah gai chilman ban ke

Aziz Bano Darab Wafa

---

---

mere andar ek dastak si kahin hoti rahi
zindagi oDhe hue main be-KHabar soti rahi

Aziz Bano Darab Wafa

---

---

mar ke KHud mein dafn ho jaungi main bhi ek din
sab mujhe DhunDenge jab main rasta ho jaungi

Aziz Bano Darab Wafa

---

---

main us ki dhup hun jo mera aaftab nahin
ye baat KHud pe main kis tarah aashkar karun

Aziz Bano Darab Wafa

---

---

main us ke samne uryan lagungi duniya ko
wo mere jism ko mera libas kar dega

Aziz Bano Darab Wafa

---

---

main shaKH-e-sabz hun mujh ko utar kaghaz par
meri tamam bahaaron ko be-KHizan kar de

Aziz Bano Darab Wafa

---

---

main raushni hun to meri pahunch kahan tak hai
kabhi charagh ke niche bikhar ke dekhungi

Aziz Bano Darab Wafa

---

---

main phuT phuT ke roi magar mere andar
bikherta raha be-rabt qahqahe koi

Aziz Bano Darab Wafa

---

---

main ne ye soch ke boe nahin KHwabon ke daraKHt
kaun jangal mein uge peD ko pani dega

Aziz Bano Darab Wafa

---

---