apni hasti ka kuchh ehsas to ho jae mujhe
aur nahin kuchh to koi mar hi Dale mujh ko

Aziz Bano Darab Wafa

---

---

ahmiyat ka mujhe apni bhi to andaza hai
tum gae waqt ki manind ganwa do mujh ko

Aziz Bano Darab Wafa

---

---

aaj kam-az-kam KHwabon hi mein mil ke pi lete hain, kal
shayad KHwabon mein bhi KHali paimane Takraen log

Aziz Bano Darab Wafa

---

---

kisi janam mein jo mera nishan mila tha use
pata nahin ki wo kab us nishan tak pahuncha

Aziz Bano Darab Wafa

---

---

main kis zaban mein us ko kahan talash karun
jo meri gunj ka lafzon se tarjuma kar de

Aziz Bano Darab Wafa

---

---

main jab bhi us ki udasi se ub jaungi
to yun hansega ki mujh ko udas kar dega

Aziz Bano Darab Wafa

---

---

main bhi sahil ki tarah TuT ke bah jati hun
jab sada de ke bulata hai samundar mujh ko

Aziz Bano Darab Wafa

---

---

main apne jism mein rahti hun is takalluf se
ki jaise aur kisi dusre ke ghar mein hun

Aziz Bano Darab Wafa

---

---

main apne aap se Takra gai thi KHair hui
ki aa gaya meri qismat se darmiyan mein wo

Aziz Bano Darab Wafa

---

---