nahin dair o haram se kaam hum ulfat ke bande hain
wahi kaba hai apna aarzu dil ki jahan nikle
Asghar Gondvi
sau bar tera daman hathon mein mere aaya
jab aankh khuli dekha apna hi gareban hai
Asghar Gondvi
udad-e-chaman sunta hun is tarah qafas mein
jaise kabhi aankhon se gulistan nahin dekha
Asghar Gondvi
ind jo zarf uTha len wahi saghar ban jae
jis jagah baiTh ke pi len wahi mai-KHana bane
Asghar Gondvi
qahr hai thoDi si bhi ghaflat tariq-e-ishq mein
aankh jhapki qais ki aur samne mahmil na tha
Asghar Gondvi
pahli nazar bhi aap ki uff kis bala ki thi
hum aaj tak wo choT hain dil par liye hue
Asghar Gondvi
niyaz-e-ishq ko samjha hai kya ai waiz-e-nadan
hazaron ban gae kabe jabin main ne jahan rakh di
o foolish priest the offering of love you do not know
a thousand mosques did appear wherever I did bow
Asghar Gondvi
main kya kahun kahan hai mohabbat kahan nahin
rag rag mein dauDi phirti hai nashtar liye hue
Asghar Gondvi
meri wahshat pe bahs-araiyan achchhi nahin zahid
bahut se bandh rakkhe hain gareban main ne daman mein
Asghar Gondvi