tu qadir o aadil hai magar tere jahan mein
hain talKH bahut banda-e-mazdur ke auqat
Allama Iqbal
tu shahin hai parwaz hai kaam tera
tere samne aasman aur bhi hain
Allama Iqbal
umid-e-hur ne sab kuchh sikha rakkha hai waiz ko
ye hazrat dekhne mein sidhe-sade bhole-bhaale hain
Allama Iqbal
uqabi ruh jab bedar hoti hai jawanon mein
nazar aati hai un ko apni manzil aasmanon mein
Allama Iqbal
uruj-e-adam-e-KHaki se anjum sahme jate hain
ki ye TuTa hua tara mah-e-kaamil na ban jae
Allama Iqbal
use subh-e-azal inkar ki jurat hui kyunkar
mujhe malum kya wo raaz-dan tera hai ya mera
Allama Iqbal
wajud-e-zan se hai taswir-e-kaenat mein rang
isi ke saz se hai zindagi ka soz-e-darun
Allama Iqbal
watan ki fikr kar nadan musibat aane wali hai
teri barbaadiyon ke mashware hain aasmanon mein
fear for your country, trouble will soon arise
words of your destruction have been spoken by the skies
Allama Iqbal
wo harf-e-raaz ki mujh ko sikha gaya hai junun
KHuda mujhe nafas-e-jabrail de to kahun
Allama Iqbal