yaqin mohkam amal paiham mohabbat fatah-e-alam
jihad-e-zindagani mein hain ye mardon ki shamshiren

Allama Iqbal

---

---

ye hai KHulasa-e-ilm-e-qalandari ki hayat
KHadang-e-jasta hai lekin kaman se dur nahin

Allama Iqbal

---

---

zamam-e-kar agar mazdur ke hathon mein ho phir kya
tariq-e-koh-kan mein bhi wahi hile hain parwezi

Allama Iqbal

---

---

zindagani ki haqiqat kohkan ke dil se puchh
ju-e-shir o tesha o sang-e-giran hai zindagi

Allama Iqbal

---

---

zamir-e-lala mai-e-lal se hua labrez
ishaara pate hi sufi ne toD di parhez

Allama Iqbal

---

---

zamana aql ko samjha hua hai mishal-e-rah
kise KHabar ki junun bhi hai sahib-e-idrak

Allama Iqbal

---

---

uruj-e-adam-e-KHaki se anjum sahme jate hain
ki ye TuTa hua tara mah-e-kaamil na ban jae

Allama Iqbal

---

---

yun to sayyad bhi ho mirza bhi ho afghan bhi ho
tum sabhi kuchh ho batao musalman bhi ho

Allama Iqbal

---

---

ye kaenat abhi na-tamam hai shayad
ki aa rahi hai damadam sada-e-kun-fayakun

Allama Iqbal

---

---