'attar' ho 'rumi' ho 'raazi' ho 'ghazali' ho
kuchh hath nahin aata be-ah-e-sahar-gahi
Allama Iqbal
aain-e-jawan-mardan haq-goi o be-baki
allah ke sheron ko aati nahin rubahi
Allama Iqbal
apne man mein Dub kar pa ja suragh-e-zindagi
tu agar mera nahin banta na ban apna to ban
Allama Iqbal
anokhi waza hai sare zamane se nirale hain
ye aashiq kaun si basti ke ya-rab rahne wale hain
Allama Iqbal
andaz-e-bayan garche bahut shoKH nahin hai
shayad ki utar jae tere dil mein meri baat
Allama Iqbal
amal se zindagi banti hai jannat bhi jahannam bhi
ye KHaki apni fitrat mein na nuri hai na nari hai
Allama Iqbal
ai tair-e-lahauti us rizq se maut achchhi
jis rizq se aati ho parwaz mein kotahi
Allama Iqbal
agar hangama-ha-e-shauq se hai la-makan KHali
KHata kis ki hai ya rab la-makan tera hai ya mera
Allama Iqbal
achchha hai dil ke sath rahe pasban-e-aql
lekin kabhi kabhi ise tanha bhi chhoD de
Allama Iqbal