man ki daulat hath aati hai to phir jati nahin
tan ki daulat chhanw hai aata hai dhan jata hai dhan

Allama Iqbal

---

---

maqam-e-shauq tere qudsiyon ke bas ka nahin
unhin ka kaam hai ye jin ke hausle hain ziyaad

Allama Iqbal

---

---

masjid to bana di shab bhar mein iman ki hararat walon ne
man apna purana papi hai barson mein namazi ban na saka

Allama Iqbal

---

---

mazhab nahin sikhata aapas mein bair rakhna
hindi hain hum watan hai hindostan hamara

Allama Iqbal

---

---

milega manzil-e-maqsud ka usi ko suragh
andheri shab mein hai chite ki aankh jis ka charagh

Allama Iqbal

---

---

mere junun ne zamane ko KHub pahchana
wo pairahan mujhe baKHsha ki para para nahin

Allama Iqbal

---

---

meri nigah mein wo rind hi nahin saqi
jo hoshiyari o masti mein imtiyaz kare

Allama Iqbal

---

---

moti samajh ke shan-e-karimi ne chun liye
qatre jo the mere araq-e-infial ke

Allama Iqbal

---

---

mujhe rokega tu ai naKHuda kya gharq hone se
ki jin ko Dubna hai Dub jate hain safinon mein

Allama Iqbal

---

---