subh hote hi nikal aate hain bazar mein log
gaThriyan sar pe uThae hue imanon ki

Ahmad Nadeem Qasmi

---

---

nizam-e-zar mein kisi aur kaam ka kya ho
bas aadmi hai kamane ka aur khane ka

Anwar Shuoor

---

---

gharon pe nam the namon ke sath ohde the
bahut talash kiya koi aadmi na mila

Bashir Badr

---

---

hai ajib shahr ki zindagi na safar raha na qayam hai
kahin karobar si dopahr kahin bad-mizaj si sham hai

Bashir Badr

---

---

girja mein mandiron mein azanon mein baT gaya
hote hi subh aadmi KHanon mein baT gaya

Nida Fazli

---

---