wo duniya thi jahan tum rok lete the zaban meri
ye mahshar hai yahan sunni paDegi dastan meri

Anand Narayan Mulla

---

---

dekhen mahshar mein un se kya Thahre
the wahi but wahi KHuda Thahre

Arzoo Lakhnavi

---

---

aDa maza ho jo mahshar mein hum karen shikwa
wo minnaton se kahen chup raho KHuda ke liye

Dagh Dehlvi

---

---

hamein malum hai hum se suno mahshar mein kya hoga
sab us ko dekhte honge wo hum ko dekhta hoga

on judgement day, let me say, I know how it will be
all eyes would be upon her and hers will be on me

Jigar Moradabadi

---

---