ajab teri hai ai mahbub surat
nazar se gir gae sab KHubsurat

Haidar Ali Aatish

---

---

na pak hoga kabhi husn o ishq ka jhagDa
wo qissa hai ye ki jis ka koi gawah nahin

Haidar Ali Aatish

---

---

husn hai kafir banane ke liye
ishq hai iman lane ke liye

Hairat Gondvi

---

---

aap kya aae ki ruKHsat sab andhere ho gae
is qadar ghar mein kabhi bhi raushni dekhi na thi

Hakeem Nasir

---

---

kis ke chehre se uTh gaya parda
jhilmilae charagh mahfil ke

Hasan Barelvi

---

---

allah-ri jism-e-yar ki KHubi ki KHud-ba-KHud
ranginiyon mein Dub gaya pairahan tamam

Hasrat Mohani

---

---

aushan jamal-e-yar se hai anjuman tamam
dahka hua hai aatish-e-gul se chaman tamam

Hasrat Mohani

---

---