hum apna ishq chamkaen tum apna husn chamkao
ki hairan dekh kar aalam hamein bhi ho tumhein bhi ho

Bahadur Shah Zafar

---

---

ahut dinon se mere sath thi magar kal sham
mujhe pata chala wo kitni KHubsurat hai

Bashir Badr

---

---

hasin to aur hain lekin koi kahan tujh sa
jo dil jalae bahut phir bhi dilruba hi lage

Bashir Badr

---

---

wo chandni ka badan KHushbuon ka saya hai
bahut aziz hamein hai magar paraya hai

Bashir Badr

---

---

aaina dekh kar wo ye samjhe
mil gaya husn-e-be-misal hamein

Bekhud Dehlvi

---

---

na dekhna kabhi aaina bhul kar dekho
tumhaare husn ka paida jawab kar dega

Bekhud Dehlvi

---

---

husn bhi kambaKHt kab KHali hai soz-e-ishq se
shama bhi to raat bhar jalti hai parwane ke sath

when is poor beauty saved from the
along with the moths all night the flame did surely burn

Bismil Saeedi

---

---