اے سالک انتظار حج میں کیا تو ہکا بکا ہے
بگولے سا تو کر لے طوف دل پہلو میں مکہ ہے

ولی عزلت

---

---

باد بہار میں سب آتش جنون کی ہے
ہر سال آوتی ہے گرمی میں فصل ہولی

ولی عزلت

---

---

گئے سب مرد رہ گئے رہزن اب الفت سے کامل ہوں
اے دل والو میں ان دل والیوں سے سخت بیدل ہوں

ولی عزلت

---

---

غنیمت بوجھ لیویں میرے درد آلود نالوں کو
یہ دیوانہ بہت یاد آئے گا شہری غزالوں کو

ولی عزلت

---

---

ہم اس کی زلف کی زنجیر میں ہوئے ہیں اسیر
سجن کے سر کی بلا آ پڑی ہمارے گلے

ولی عزلت

---

---

ہندو و مسلمین ہیں حرص و ہوا پرست
ہو آشنا پرست وہی ہے خدا پرست

ولی عزلت

---

---

اس زمانے میں بزرگی سفلگی کا نام ہے
جس کی ٹکیا میں پھرے انگلی سو ہو جاوے ترا

ولی عزلت

---

---

عشق گورے حسن کا عاشق کے دل کو دے جلا
سانولوں کے عاشقوں کا دل ہے کالا کوئلہ

ولی عزلت

---

---

جا کر فنا کے اس طرف آسودہ میں ہوا
میں عالم عدم میں بھی دیکھا مزہ نہ تھا

ولی عزلت

---

---