محکمے میں عشق کے ہے یارو دیوانے کا شور
میرے دل دینے کا غل اس کے مکر جانے کا شور

ولی عزلت

---

---

میں صحرا جا کے قبر حضرت مجنوں کو دیکھا تھا
زیارت کرتے تھے آہو بگولہ طوف کرتا تھا

ولی عزلت

---

---

کچھ غور کا جوہر نہیں خود فہمی میں حیراں ہیں
اس عصر کے فاضل سب سطحی ہیں جوں آئینہ

ولی عزلت

---

---

کہا جو میں نے گیا خط سے ہائے تیرا حسن
تو ہنس کے مجھ کو کہا پشم سے گیا تو گیا

ولی عزلت

---

---

جو ہم یہ طفلوں کے سنگ جفا کے مارے ہیں
بتوں کا شکوہ نہیں ہم خدا کے مارے ہیں

ولی عزلت

---

---

اے سالک انتظار حج میں کیا تو ہکا بکا ہے
بگولے سا تو کر لے طوف دل پہلو میں مکہ ہے

ولی عزلت

---

---

جس پر نظر پڑے اسے خود سے نکالنا
روشن دلوں کا کام ہے مانند آئینہ

ولی عزلت

---

---

جپے ہے ورد سا تجھ سے صنم کے نام کو شیخ
نماز توڑ اٹھے تیرے رام رام کو شیخ

ولی عزلت

---

---

جلد مر گئے تری حسرت سیتی ہم
کہ ترا دیر کا آنا نہ گیا

ولی عزلت

---

---