na mohtasib ki KHushamad na mai-kade ka tawaf
KHudi mein mast hun apni bahaar mein gum hun

Siraj Lakhnavi

---

---

qafas se dur sahi mausam-e-bahaar to hai
asiro aao zara zikr-e-ashiyan ho jae

Siraj Lakhnavi

---

---

qafas bhi bigDi hui shakl hai nasheman ki
ye ghar jo phir se sanwar jae aashiyan ho jae

Siraj Lakhnavi

---

---

phir bhi peshani-e-tufan pe shikan baqi hai
Dubte waqt bhi dekha na kinara hum ne

Siraj Lakhnavi

---

---

nazr-e-gham shayad har ashk-e-KHun-chakan karna paDe
kya KHabar kitni bahaaron ko KHizan karna paDe

Siraj Lakhnavi

---

---

namaz-e-ishq paDhi to magar ye hosh kise
kahan kahan kiye sajde kahan qayam kiya

Siraj Lakhnavi

---

---

na pi sako to idhar aao ponchh dun aansu
ye tum ne sun liye is dil ke sanehat kahan

Siraj Lakhnavi

---

---

KHuda-wanda ye kaisi subh-e-gham hai
ujale mein barasti hai siyahi

Siraj Lakhnavi

---

---

KHusha wo daur ki jab markaz-e-nigah the hum
paDa jo waqt to ab koi ru-shanas nahin

Siraj Lakhnavi

---

---