ghusl-e-tauba ke liye bhi nahin milti hai sharab
ab hamein pyas lagi hai to koi jam nahin

Siraj Lakhnavi

---

---

aankhon par apni rakh kar sahil ki aastin ko
hum dil ke Dubne par aansu baha rahe hain

Siraj Lakhnavi

---

---

aansu hain kafan-posh sitare hain kafan-rang
lo chaak kiye dete hain daman-e-sahar hum

Siraj Lakhnavi

---

---

aag aur dhuan aur hawas aur hai ishq aur
har hausla-e-dil ko mohabbat nahin kahte

Siraj Lakhnavi

---

---

aap ke panw ke niche dil hai
ek zara aap ko zahmat hogi

Siraj Lakhnavi

---

---

abhi rakkha rahne do taq par yunhi aaftab ka aaina
ki abhi to meri nigah mein wahi mera mah-e-tamam hai

Siraj Lakhnavi

---

---

aDon-baDon ke qadam Dagmagae jate hain
paDa hai kaam badalte hue zamane se

Siraj Lakhnavi

---

---

chamak shayad abhi giti ke zarron ki nahin dekhi
sitare muskuraate kyun hain zeb-e-asman ho ka

Siraj Lakhnavi

---

---

chand tinkon ki saliqe se agar tartib ho
bijliyon ko bhi tawaf-e-ashiyan karna paDe

Siraj Lakhnavi

---

---