har nafs utni hi lau dega 'siraj'
jitni jis dil mein hararat hogi

Siraj Lakhnavi

---

---

ho gaya aaina-e-haal bhi gard-aluda
god mein lasha-e-mazi ko liye baiTha hun

Siraj Lakhnavi

---

---

ek kafir-e-mutlaq hai zulmat ki jawani bhi
be-rahm andhera hai shamen hain na parwane

Siraj Lakhnavi

---

---

is dil mein to KHizan ki hawa tak nahin lagi
is phul ko tabah kiya hai bahaar ne

Siraj Lakhnavi

---

---

is soch mein baiThe hain jhukae hue sar hum
uTThe teri mahfil se to jaenge kidhar hum

Siraj Lakhnavi

---

---

ishq ka banda bhi hun kafir bhi hun momin bhi hun
aap ka dil jo gawahi de wahi kah lijiye

Siraj Lakhnavi

---

---

jaan si shai ki mujhe ishq mein kuchh qadr nahin
zindagi jaise kahin main ne paDi pai hai

Siraj Lakhnavi

---

---

jo ashk surKH hai nama-nigar hai dil ka
sukut-e-shab mein likhe ja rahe hain afsane

Siraj Lakhnavi

---

---

kaise phandega bagh ki diwar
tu giraftar-e-rang-o-bu hai abhi

Siraj Lakhnavi

---

---