نہ محتسب کی خوشامد نہ میکدے کا طواف
خودی میں مست ہوں اپنی بہار میں گم ہوں

سراج لکھنوی

---

---

قفس سے دور سہی موسم بہار تو ہے
اسیرو آؤ ذرا ذکر آشیاں ہو جائے

سراج لکھنوی

---

---

قفس بھی بگڑی ہوئی شکل ہے نشیمن کی
یہ گھر جو پھر سے سنور جائے آشیاں ہو جائے

سراج لکھنوی

---

---

پھر بھی پیشانیٔ طوفاں پہ شکن باقی ہے
ڈوبتے وقت بھی دیکھا نہ کنارہ ہم نے

سراج لکھنوی

---

---

نذر غم شاید ہر اشک خونچکاں کرنا پڑے
کیا خبر کتنی بہاروں کو خزاں کرنا پڑے

سراج لکھنوی

---

---

نماز عشق پڑھی تو مگر یہ ہوش کسے
کہاں کہاں کئے سجدے کہاں قیام کیا

سراج لکھنوی

---

---

نہ پی سکو تو ادھر آؤ پونچھ دوں آنسو
یہ تم نے سن لئے اس دل کے سانحات کہاں

سراج لکھنوی

---

---

خدا وندا یہ کیسی صبح غم ہے
اجالے میں برستی ہے سیاہی

سراج لکھنوی

---

---

خوشا وہ دور کہ جب مرکز نگاہ تھے ہم
پڑا جو وقت تو اب کوئی روشناس نہیں

سراج لکھنوی

---

---