Takraun kyun zamane se kya faeda 'siraj'
KHud apne raste se haTa ja raha hun main

Siraj Lakhnavi

---

---

tujhe pa ke tujh se juda ho gae hum
kahan kho diya tu ne kya ho gae hum

Siraj Lakhnavi

---

---

wo bhiD hai ki DhunDhna tera to darkinar
KHud khoya ja raha hun hujum-e-KHayal mein

Siraj Lakhnavi

---

---

ye aadhi raat ye kafir andhera
na sota hun na jaga ja raha hai

Siraj Lakhnavi

---

---

ye ek laDi ke sab chhiTke hue moti hain
kabe hi ki shaKHen hain bikhre hue but-KHane

Siraj Lakhnavi

---

---

ye jazr-o-mad hai padash-e-amal ek din yaqini hai
na samho KHun-e-insan bah gaya hai raegan ho ka

Siraj Lakhnavi

---

---

ye zamin KHud ho jannaton ka suhag
yun hun aabaad sare virane

Siraj Lakhnavi

---

---

zara dekho ye sarkash zarra-e-KHak
falak ka chand banta ja raha hai

Siraj Lakhnavi

---

---

zarb-ul-masal hain ab meri mushkil-pasandiyan
suljha ke har girah ko phir uljha raha hun main

Siraj Lakhnavi

---

---