چہروں کو پیروں سے کچل کر آگے بڑھ جانا
جیت اسی کو کہتے ہیں تو پھر میں ہار گیا

شہنواز زیدی

---

---

''جو بھی آوے ہے وہ نزدیک ہی بیٹھے ہے ترے''
شیشۂ چشم میں کس کس کو اتارا ہوا ہے

شہنواز زیدی

---

---

سحر ہوتے ہی جیسے ریت بھر جاتی ہے سانسوں میں
نسیم ہجر تیرے ذائقے اچھے نہیں لگتے

شہنواز زیدی

---

---

تتلیاں پھول میں کیا ڈھونڈھتی رہتی ہیں سدا
کیا کہیں باد صبا رکھ گئی پیغام ترا

شہنواز زیدی

---

---

اس کی آنکھوں میں محبت کا گماں تک نہیں آج
کون سی آگ تھی کل جس کا دھواں تک نہیں آج

شہنواز زیدی

---

---

وہ مرے کاسے میں یادیں چھوڑ کر یوں چل دیا
جس طرح الفاظ جاتے ہوں معانی چھوڑ کر

شہنواز زیدی

---

---

یہ سوکھے پتے نہیں زمانے پہ تبصرے ہیں
شجر نے لکھ کر بکھیر دی ہیں فضا میں باتیں

شہنواز زیدی

---

---