qindil-e-mah-o-mehr ka aflak pe hona
kuchh is se ziyaada hai mera KHak pe hona

Sarvat Husain

---

---

sochta hun dayar-e-be-parwa
kyun mera ehtiram karne laga

Sarvat Husain

---

---

siyahi pherti jati hain raaten bahr o bar pe
inhi tarikiyon se mujh ko bhi hissa milega

Sarvat Husain

---

---

shahzadi tujhe kaun batae tere charag-kade tak
kitni mehraben paDti hain kitne dar aate hain

Sarvat Husain

---

---

'sarwat' tum apne logon se yun milte ho
jaise un logon se milna phir nahin hoga

Sarvat Husain

---

---

nai nai si aag hai ya phir kaun hai wo
pile phulon gahre surKH libaadon wali

Sarvat Husain

---

---

mere sine mein dil hai ya koi shahzada-e-KHud-sar
kisi din us ko taj-o-taKHt se mahrum kar dekhun

Sarvat Husain

---

---

sochta hun ki us se bach niklun
bach nikalne ke baad kya hoga

Sarvat Husain

---

---

panw sakit ho gae 'sarwat' kisi ko dekh kar
ek kashish mahtab jaisi chehra-e-dilbar mein thi

Sarvat Husain

---

---