aaankhon mein damak uTThi hai taswir-e-dar-o-baam
ye kaun gaya mere barabar se nikal ka

Sarvat Husain

---

---

apne apne ghar ja kar sukh ki nind so jaen
tu nahin KHasare mein main nahin KHasare mein

Sarvat Husain

---

---

apne liye tajwiz ki shamshir-e-barhana
aur us ke liye shaKH se ek phul utara

Sarvat Husain

---

---

ahut musir the KHudayan-e-sabit-o-sayyar
so main ne aaina o aasman pasand kiye

Sarvat Husain

---

---

ujhi ruh ki pyas lekin saKHi
mere sath mera badan bhi to hai

Sarvat Husain

---

---

dasht chhoDa to kya mila 'sarwat'
ghar badalne ke baad kya hoga

Sarvat Husain

---

---

do hi chizen is dharti mein dekhne wali hain
miTTi ki sundarta dekho aur mujhe dekho

Sarvat Husain

---

---

husn-e-bahaar mujh ko mukammal nahin laga
main ne tarash li hai KHizan apne hath se

Sarvat Husain

---

---

ek dastan ab bhi sunate hain farsh o baam
wo kaun thi jo raqs ke aalam mein mar gai

Sarvat Husain

---

---