maut ke darinde mein ek kashish to hai 'sarwat'
log kuchh bhi kahte hon KHud-kushi ke bare mein

Sarvat Husain

---

---

main so raha tha aur meri KHwab-gah mein
ek azhdaha charagh ki lau ko nigal gaya

Sarvat Husain

---

---

main kitab-e-KHak kholun to khule
kya nahin maujud kya maujud hai

Sarvat Husain

---

---

main aag dekhta tha aag se juda kar ke
bala ka rang tha rangini-e-qaba se udha

Sarvat Husain

---

---

le aaega ek roz gul o barg bhi 'sarwat'
baran ka musalsal KHas-o-KHashak pe hona

Sarvat Husain

---

---

KHush-libasi hai baDi chiz magar kya kije
kaam is pal hai tere jism ki uryani se

Sarvat Husain

---

---

jise anjam tum samajhti ho
ibtida hai kisi kahani ki

Sarvat Husain

---

---

ek dastan ab bhi sunate hain farsh o baam
wo kaun thi jo raqs ke aalam mein mar gai

Sarvat Husain

---

---

husn-e-bahaar mujh ko mukammal nahin laga
main ne tarash li hai KHizan apne hath se

Sarvat Husain

---

---