milna aur bichhaD jaana kisi raste par
ek yahi qissa aadamiyon ke sath raha

Sarvat Husain

---

---

subh ke shahr mein ek shor hai shadabi ka
gil-e-diwar zara bosa-numa ho jaana

Sarvat Husain

---

---

surma jis ke kinaron se palaT aate hain
main ne kashti ko utara hai usi pani mein

Sarvat Husain

---

---

teri aashufta-mizaji ai dil
kya KHabar kaun nagar le jae

Sarvat Husain

---

---

umr ka koh-e-giran aur shab-o-roz mere
ye wo patthar hai jo kaTta nahin aasani se

Sarvat Husain

---

---

ye intiha-e-masarrat ka shahr hai 'sarwat'
yahan to har dar-o-diwar ek samundar hai

Sarvat Husain

---

---

ye jo raushni hai kalam mein ki baras rahi hai tamam mein
mujhe sabr ne ye samar diya mujhe zabt ne ye hunar diya

Sarvat Husain

---

---

ye kaun utra pae-gasht apni masnad se
aur intizam-e-makan o sira badalne laga

Sarvat Husain

---

---

aaankhon mein damak uTThi hai taswir-e-dar-o-baam
ye kaun gaya mere barabar se nikal ka

Sarvat Husain

---

---