dar-ba-dar hone se pahle kabhi socha bhi na tha
ghar mujhe ras na aaya to kidhar jaunga

Saqi Amrohvi

---

---

KHwab tha ya shabab tha mera
do sawalon ka ek jawab hun main

Saqi Amrohvi

---

---

kitne hi gham nikharne lagte hain
ek lamhe ki shadmani se

Saqi Amrohvi

---

---

madrasa mera meri zat mein hai
KHud moallim hun KHud kitab hun main

Saqi Amrohvi

---

---

mein ab tak din ke hangamon mein gum tha
magar ab sham hoti ja rahi hai

Saqi Amrohvi

---

---

mujh ko kya kya na dukh mile 'saqi'
mere apnon ki mehrbani se

Saqi Amrohvi

---

---

tu nahin to tera KHayal sahi
koi to ham-KHayal hai mera

Saqi Amrohvi

---

---

zindagi bhar mujhe is baat ki hasrat hi rahi
din guzarun to koi raat suhani aae

Saqi Amrohvi

---

---