آنگن کے اک پیڑ کی ٹھنڈی میٹھی چھاؤں
شہر میں جیسے آ گیا چل کر میرا گاؤں

سلیم انصاری

---

---

اس سے بڑھ کر اور کیا رشتوں پر دشنام
بھائی آیا پوچھنے مجھ سے میرا نام

سلیم انصاری

---

---

جرم محبت کی ملی ہم کو یہ پاداش
اپنے کاندھے پر چلے لے کر اپنی لاش

سلیم انصاری

---

---

خوش فہمی کی دھوپ میں روشن جھوٹی آس
اندھیارے میں رینگتا ہر سچ کا وشواس

سلیم انصاری

---

---

میں نے جس کی آنکھ سے دیکھے اپنے خواب
اب اس کا احساس بھی میرے لیے عذاب

سلیم انصاری

---

---

مندر مسجد توڑیئے لیکن رہے خیال
شیشے میں وشواس کے پڑ جائے نہ بال

سلیم انصاری

---

---

میرے چاروں اور تھے طرح طرح کے لوگ
پھر بھی مجھ کو لگ گیا تنہائی کا روگ

سلیم انصاری

---

---

راتیں جنگل کی طرح اور دن ریگستان
میری جیون یاترا کیسے ہو آسان

سلیم انصاری

---

---

رفتہ رفتہ گھل گئی میری سوچ کی برف
یعنی میں خود ہو گیا اپنے ہاتھوں صرف

سلیم انصاری

---

---