بکھرے ہوئے خوابوں کی وہ تصویر ہے شاید
اب یہ بھی نہیں یاد کہاں اس سے ملا تھا

نواب احسن

---

---

احساس تیرگی تھا اسے روشنی کے بعد
اس خوف سے چراغ کی لو کانپتی رہی

نواب احسن

---

---

جب بھی لوٹا گاؤں کے بازار سے
مجھ کو سب بچوں نے دیکھا پیار سے

نواب احسن

---

---

خوف و دہشت سے لب نہیں کھلتے
ورنہ قاتل مری نگاہ میں ہے

نواب احسن

---

---

شب فراق کی تنہائیوں میں تیرا خیال
مرے وجود سے کرتا رہا جدا مجھ کو

نواب احسن

---

---

اس نے تو چھینا تھا میرے جسم سے میرا لباس
جب پہن کر اس نے دیکھا تو قبا ڈھیلی ملی

نواب احسن

---

---