use guman hai ki meri uDan kuchh kam hai
mujhe yaqin hai ki ye aasman kuchh kam hai

Nafas Ambalvi

---

---

mere KHayal ki parwaz bas tumhin tak thi
phir is ke baad mujhe koi aasman na mila

Nafas Ambalvi

---

---

nigahon ke manazir be-sabab dhundhle nahin paDte
hamari aankh mein dariya koi Thahra hua hoga

Nafas Ambalvi

---

---

sari gawahiyan to mere haq mein aa gain
lekin mera bayan hi mere KHilaf tha

Nafas Ambalvi

---

---

tarikiyan qubul thin mujh ko tamam umr
lekin main jugnuon ki KHushamad na kar saka

Nafas Ambalvi

---

---

tu dariya hai to hoga han magar itna samajh lena
tere jaise kai dariya meri aankhon mein rahte hain

Nafas Ambalvi

---

---

ye ishq ke KHutut bhi kitne ajib hain
aankhen wo paDh rahi hain jo tahrir bhi nahin

Nafas Ambalvi

---

---

zindagi waqt ke safhon mein nihan hai sahab
ye ghazal sirf kitabon mein nahin milti hai

Nafas Ambalvi

---

---

zaKHm abhi tak taza hain har dagh sulagta rahta hai
sine mein ek jaliyan-wala-bagh sulagta rahta hai

Nafas Ambalvi

---

---