hamari zindagi jaise koi shab bhar ka jalsa hai
sahar hote hi KHwabon ke gharaunde TuT jate hain

Nafas Ambalvi

---

---

hamari rah se patthar uTha kar phenk mat dena
lagi hain Thokaren tab ja ke chalna sikh pae hain

Nafas Ambalvi

---

---

apne daraaz-qad pe bahut naz tha jinhen
wo peD aandhiyon mein zamin se ukhaD gae

Nafas Ambalvi

---

---

ab un ki KHwab-gahon mein koi aawaz mat karna
bahut thak-haar kar footpath par mazdur soe hain

Nafas Ambalvi

---

---

ab tak to is safar mein faqat tishnagi mili
sunte the raste mein samundar bhi aaega

Nafas Ambalvi

---

---