kis tarah milen koi bahana nahin milta
hum ja nahin sakte unhen aana nahin milta

Mirza Raza Barq

---

---

hum to apnon se bhi begana hue ulfat mein
tum jo ghairon se mile tum ko na ghairat aai

Mirza Raza Barq

---

---

hamare aib ne be-aib kar diya hum ko
yahi hunar hai ki koi hunar nahin aata

Mirza Raza Barq

---

---

itna to jazb-e-ishq ne bare asar kiya
us ko bhi ab malal hai mere malal ka

Mirza Raza Barq

---

---

josh-e-wahshat yahi kahta hai nihayat kam hai
do jahan se bhi agar wusat-e-sahra baDh jae

Mirza Raza Barq

---

---

KHud-faroshi ko jo tu nikle ba-shakl-e-yusuf
ai sanam teri KHaridar KHudai ho jae

Mirza Raza Barq

---

---

nahin buton ke tasawwur se koi dil KHali
KHuda ne un ko diye hain makan sinon mein

Mirza Raza Barq

---

---

uryan hararat-e-tap-e-furqat se main raha
har bar mere jism ki poshak jal gai

Mirza Raza Barq

---

---

puchha agar kisi ne mera aa ke haal-e-dil
be-iKHtiyar aah labon se nikal gai

Mirza Raza Barq

---

---