hamare aib ne be-aib kar diya hum ko
yahi hunar hai ki koi hunar nahin aata

Mirza Raza Barq

---

---

hum to apnon se bhi begana hue ulfat mein
tum jo ghairon se mile tum ko na ghairat aai

Mirza Raza Barq

---

---

angDai donon hath uTha kar jo us ne li
par lag gae paron ne pari ko uDa diya

Mirza Raza Barq

---

---

dekh kar tul-e-shab-e-hijr dua karta hun
wasl ke roz se bhi umr meri kam ho jae

Mirza Raza Barq

---

---

daulat nahin kaam aati jo taqdir buri ho
qarun ko bhi apna KHazana nahin milta

Mirza Raza Barq

---

---

chhup saka dam bhar na raaz-e-dil firaq-e-yar mein
wo nihan jis dam hua sab aashkara ho gaya

Mirza Raza Barq

---

---

e-bulae hue jaana mujhe manzur nahin
un ka wo taur nahin mera ye dastur nahin

Mirza Raza Barq

---

---

aad-e-fana bhi hai maraz-e-ishq ka asar
dekho ki rang zard hai mere ghubar ka

Mirza Raza Barq

---

---

azan di kabe mein naqus dair mein phunka
kahan kahan tujhe aashiq tera pukar aaya

Mirza Raza Barq

---

---