آپ کی میری کہانی ایک ہے
کہئے اب میں کیا سناؤں کیا سنوں

میکش اکبرآبادی

---

---

بیٹھے رہے وہ خون تمنا کئے ہوئے
دیکھا کئے انہیں نگہ التجا سے ہم

میکش اکبرآبادی

---

---

چراغ کشتہ لے کر ہم تری محفل میں کیا آتے
جو دن تھے زندگی کے وہ تو رستے میں گزار آئے

میکش اکبرآبادی

---

---

ہم نے لالے کی طرح اس دور میں
آنکھ کھولی تھی کہ دیکھا دل کا خوں

میکش اکبرآبادی

---

---

کچھ اس طرح تری الفت میں کاٹ دی میں نے
گناہ گار ہوا اور نہ پاکباز رہا

میکش اکبرآبادی

---

---

مرے فسوں نے دکھائی ہے تیرے رخ کی سحر
مرے جنوں نے بنائی ہے تیرے زلف کی شام

میکش اکبرآبادی

---

---

نہیں ہے دل کا سکوں قسمت تمنا میں
تمہیں بھی دل کی تمنا بنا کے دیکھ لیا

میکش اکبرآبادی

---

---

نزع تک دل اس کو دہرایا کیا
اک تبسم میں وہ کیا کچھ کہہ گئے

میکش اکبرآبادی

---

---

پہنچ ہی جائے گا یہ ہاتھ تیری زلفوں تک
یوں ہی جنوں کا اگر سلسلہ دراز رہا

میکش اکبرآبادی

---

---