ahut hain sajda-gahen par dar-e-jaanan nahin milta
hazaron dewta hain har taraf insan nahin milta

Khalid Hasan Qadiri

---

---

ghuTan to dil ki rahi qasr-e-marmarin mein bhi
na raushni se hua kuchh na kuchh hawa se hua

Khalid Hasan Qadiri

---

---

kis se puchhen ki hum kidhar jaen
yaad ab hum ko wo gali hi nahin

Khalid Hasan Qadiri

---

---

meri jaan teri KHatir jaan ka sauda
bahut mahnga bhi hai dushwar bhi hai

Khalid Hasan Qadiri

---

---

na aae tum na aao tum ki ab aane se kya hasil
KHud ab to hum se apni shakl pahchani nahin jati

Khalid Hasan Qadiri

---

---

sada-e-shahr fusun hai nazar na dar se haTa
wo misl-e-sang hua jis ne lauT kar dekha

Khalid Hasan Qadiri

---

---

tumhaare nam pe dil ab bhi ruk sa jata hai
ye baat wo hai ki is se mafar nahin hota

Khalid Hasan Qadiri

---

---

ye waqfa saaton ka chand sadiyon ke barabar hai
wo ab aawaz dete hain to pahchani nahin jati

Khalid Hasan Qadiri

---

---