aaghaz-e-ishq umr ka anjam ho gaya
nakaamiyon ke gham mein mera kaam ho gaya

Ismail Merathi

---

---

aghyar kyun daKHil hain bazm-e-surur mein
mana ki yar kam hain par itne to kam nahin

Ismail Merathi

---

---

andesha hai ki de na idhar ki udhar laga
mujh ko to na-pasand watire saba ke hain

Ismail Merathi

---

---

apni hi jalwagari hai ye koi aur nahin
ghaur se dekh agar aankh mein binai hai

Ismail Merathi

---

---

ad ki sohbat mein mat baiTho is ka hai anjam bura
bad na bane to bad kahlae bad achchha badnam bura

Ismail Merathi

---

---

chhuri ka tir ka talwar ka to ghao bhara
laga jo zaKHm zaban ka raha hamesha hara

Ismail Merathi

---

---

dariya ki tarah rawan hun lekin
ab tak bhi wahin hun main jahan hun

Ismail Merathi

---

---

did wa did ki ruKHsat hi sahi
mere hisse ki qayamat hi sahi

Ismail Merathi

---

---

dilbari jazb-e-mohabbat ka karishma hai faqat
kuchh karamat nahin jadu nahin eajaz nahin

Ismail Merathi

---

---