shaiKH aur barhaman mein agar lag hai to ho
donon shikar-e-ghamza usi dil-ruba ke hain

Ismail Merathi

---

---

parwane ki tapish ne KHuda jaane kan mein
kya kah diya ki shama ke sar se dhuan uTha

Ismail Merathi

---

---

neamat-e-KHuld thi bashar ke liye
KHak chaTi nazar guzar ke liye

Ismail Merathi

---

---

mar chuke jite-ji KHusha qismat
is se achchhi to zindagi hi nahin

Ismail Merathi

---

---

mana buri KHabar hai pa teri KHabar to hai
sabr-o-qarar nazr karun nama-bar ko main

Ismail Merathi

---

---

kya kohkan ki koh-kani kya junun-e-qais
wadi-e-ishq mein ye maqam ibtida ke hain

Ismail Merathi

---

---

kya ho gaya ise ki tujhe dekhti nahin
ji chahta hai aag laga dun nazar ko main

Ismail Merathi

---

---

kya hai wo jaan-e-mujassam jis ke shauq-e-did mein
jama-e-tan phenk kar ruhen bhi uryan ho gain

Ismail Merathi

---

---

kya fikr-e-ab-o-nan ki gham kah raha hai ab
maujud hun ziyafat-e-dil aur jigar ko main

Ismail Merathi

---

---