dilbari jazb-e-mohabbat ka karishma hai faqat
kuchh karamat nahin jadu nahin eajaz nahin
Ismail Merathi
aaghaz-e-ishq umr ka anjam ho gaya
nakaamiyon ke gham mein mera kaam ho gaya
Ismail Merathi
gar dekhiye to KHatir-e-nashad shad hai
sach puchhiye to hai dil-e-nakaam kaam ka
Ismail Merathi
gar KHanda yaad aae to sine ko chaak kar
gar ghamza yaad aae to zaKHm-e-sinan uTha
Ismail Merathi
habs-e-dawam to nahin duniya ki mar rahun
kahe ko ghar KHayal karun rahguzar ko main
Ismail Merathi
hai aaj ruKH hawa ka muafiq to chal nikal
kal ki kise KHabar hai kidhar ki hawa chale
Ismail Merathi
hai aaj ruKH hawa ka muafiq to chal nikal
kal ki kise KHabar hai kidhar ki hawa chale
Ismail Merathi
hai ashk-o-ah ras hamare mizaj ko
yani pale hue isi aab-o-hawa ke hain
Ismail Merathi
hai is anjuman mein yaksan adam o wajud mera
ki jo main yahan na hota yahi karobar hota
Ismail Merathi