aaj khula dushman ke pichhe dushman the
aur wo lashkar is lashkar ki oT mein tha

Ghulam Husain Sajid

---

---

agar hai insan ka muqaddar KHud apni miTTi ka rizq hona
to phir zamin par ye aasman ka wajud kis qahr ke liye hai

Ghulam Husain Sajid

---

---

DhunD laya hun KHushi ki chhanw jis ke waste
ek gham se bhi use do-chaar karna hai mujhe

Ghulam Husain Sajid

---

---

ek KHwahish hai jo shayad umr bhar puri na ho
ek sapne se hamesha pyar karna hai mujhe

Ghulam Husain Sajid

---

---

hum musafir hain gard-e-safar hain magar ai shab-e-hijr hum koi bachche nahin
jo abhi aansuon mein naha kar gae aur abhi muskuraate palaT aaenge

Ghulam Husain Sajid

---

---

hikayat-e-ishq se bhi dil ka ilaj mumkin nahin ki ab bhi
firaq ki talKHiyan wahi hain visal ki aarzu wahi hai

Ghulam Husain Sajid

---

---

is andhere mein charagh-e-KHwab ki KHwahish nahin
ye bhi kya kam hai ki thoDi der so jata hun main

Ghulam Husain Sajid

---

---

ishq ki dastaras mein kuchh bhi nahin
jaan-e-man! mere bas mein kuchh bhi nahin

Ghulam Husain Sajid

---

---

ishq par faez hun auron ki tarah lekin mujhe
wasl ka lapka nahin hai hijr se wahshat nahin

Ghulam Husain Sajid

---

---