ji mein aata hai ki duniya ko badalna chahiye
aur apne aap se mayus ho jata hun main

Ghulam Husain Sajid

---

---

jis qadar mahmez karta hun main 'sajid' waqt ko
us qadar be-sabr rahne ki use aadat nahin

Ghulam Husain Sajid

---

---

kabhi mohabbat se baz rahne ka dhyan aae to sochta hun
ye zahr itne dinon se mere wajud mein kaise pal raha hai

Ghulam Husain Sajid

---

---

kisi ki yaad se dil ka andhera aur baDhta hai
ye ghar mere sulagne se munawwar ho nahin sakta

Ghulam Husain Sajid

---

---

kisi ne faqr se apne KHazane bhar liye lekin
kisi ne shahryaron se bhi sim-o-zar nahin pae

Ghulam Husain Sajid

---

---

lauT jaane ki ijazat nahin dunga us ko
koi ab mere taaqub mein agar aata hai

Ghulam Husain Sajid

---

---

main ek muddat se is jahan ka asir hun aur sochta hun
ye KHwab TuTega kis qadam par ye rang chhuTega kab lahu se

Ghulam Husain Sajid

---

---