'ghamgin' jo ek aan pe tere ada hua
kya KHush ada use teri ai KHush-ada lagi

Ghamgeen Dehlvi

---

---

hath se mere wo pita nahin muddat se sharab
yaro kya apni KHushi main ne pilana chhoDa

Ghamgeen Dehlvi

---

---

jam le kar mujh se wo kahta hai apne munh ko pher
ru-ba-ru yun tere mai pine se sharmate hain hum

Ghamgeen Dehlvi

---

---

kiya badnam ek aalam ne 'ghamgin' pak-bazi mein
jo main teri tarah se bad-nazar hota to kya hota

Ghamgeen Dehlvi

---

---

koi samjhao unhen bahr-e-KHuda ai momino
us sanam ke ishq mein jo mujh ko samjhate hain log

Ghamgeen Dehlvi

---

---

meri ye aarzu hai waqt-e-marg
us ki aawaz kan mein aawe

Ghamgeen Dehlvi

---

---

mujhe jo dosti hai us ko dushmani mujh se
na iKHtiyar hai us ka na mera chaara hai

Ghamgeen Dehlvi

---

---

shama-ru aashiq ko apne yun jalana chahiye
kuchh hansana chahiye aur kuchh rulana chahiye

Ghamgeen Dehlvi

---

---

wo lutf uThaega safar ka
aap-apne mein jo safar karega

Ghamgeen Dehlvi

---

---