aaThon pahr lahu mein nahaya kare koi
yun bhi na apne dard ko dariya kare koi

Fuzail Jafri

---

---

aatish-fishan zaban hi nahin thi badan bhi tha
dariya jo munjamid hai kabhi maujzan bhi tha

Fuzail Jafri

---

---

aKHlaq o sharafat ka andhera hai wo ghar mein
jalte nahin masum gunahon ke diye bhi

Fuzail Jafri

---

---

hule-bisre hue gham phir ubhar aate hain kai
aaina dekhen to chehre nazar aate hain kai

Fuzail Jafri

---

---

ose biwi ke hansi bachchon ki aankhen man ki
qaid-KHane mein giraftar samajhiye hum ko

Fuzail Jafri

---

---

chamakte chand se chehron ke manzar se nikal aae
KHuda hafiz kaha bosa liya ghar se nikal aae

Fuzail Jafri

---

---

dasht-e-tanhai mein jine ka saliqa sikhiye
ye shikasta baam-o-dar bhi ham-safar ho jaenge

Fuzail Jafri

---

---

dil yun to gah gah sulagta hai aaj bhi
manzar magar wo raqs-e-sharar ka nahin raha

Fuzail Jafri

---

---

ehsas-e-jurm jaan ka dushman hai 'jafari'
hai jism tar tar saza ke baghair bhi

Fuzail Jafri

---

---