na nasheman hai na hai shaKH-e-nasheman baqi
lutf jab hai ki kare ab koi barbaad mujhe

Arsh Malsiyani

---

---

is intiha-e-tark-e-mohabbat ke bawajud
hum ne liya hai nam tumhaara kabhi kabhi

Arsh Malsiyani

---

---

jitni wo mere haal pe karte hain jafaen
aata hai mujhe un ki mohabbat ka yaqin aur

More the cruelty from her that I receive
more in her affection for me do I believe

Arsh Malsiyani

---

---

KHushk baaton mein kahan hai shaiKH kaif-e-zindagi
wo to pi kar hi milega jo maza pine mein hai

o priest where is the pleasure in this world when dry and sere
tis only when one drinks will then the joy truly appea

Arsh Malsiyani

---

---

maut hi insan ki dushman nahin
zindagi bhi jaan le kar jaegi

Arsh Malsiyani

---

---

mohabbat soz bhi hai saz bhi hai
KHamoshi bhi hai ye aawaz bhi hai

Arsh Malsiyani

---

---

tauba tauba ye bala-KHez jawani tauba
dekh kar us but-e-kafir ko KHuda yaad aaya

Arsh Malsiyani

---

---

wo sahra jis mein kaT jate hain din yaad-e-bahaaran se
ba-alfaz-e-digar us ko chaman kahna hi paDta hai

Arsh Malsiyani

---

---

teri duniya ko ai waiz meri duniya se kya nisbat
teri duniya mein taqdiren meri duniya mein tadbiren

Arsh Malsiyani

---

---