safar mein har qadam rah rah ke ye taklif hi dete
bahar-surat hamein in aablon ko phoD dena tha

Anjum Irfani

---

---

lamhe lamhe mein hua jata hun reza reza
wajh kuchh mujh se na puchho mere rab se puchho

Anjum Irfani

---

---

lauT kar yaqinan main ek roz aaunga
palkon pe charaghon ka ehtimam kar lena

Anjum Irfani

---

---

meri nazar mein aa gaya hai jab se ek sahifa-ruKH
kashish rahi na dil mein ab kisi kitab ke liye

Anjum Irfani

---

---

muTThi se phisle hi jate hain har phal
wasl ke lamhe tar-e-resham hote hain

Anjum Irfani

---

---

palkon pe jugnuon ka basera hai waqt-e-sham
'anjum' main paniyon mein chamak chhoD kar gaya

Anjum Irfani

---

---

udhar sach bolne ghar se koi diwana niklega
udhar maqtal mein istiqbaal ki tayyariyan hongi

Anjum Irfani

---

---

yak-ba-yak jaan se guzarna to hai aasan 'anjum'
qatra qatra kai qiston mein pighal kar dekhen

Anjum Irfani

---

---

yaad hai qissa-e-gham ka mujhe har lafz abhi
haal jis dard ka jis ranj ka jab se puchho

Anjum Irfani

---

---