dard-e-dil banTta aaya hai zamane ko jo ab tak 'anjum'
kuchh hua yun ki wahi dard se do-chaar hua chahta hai

Anjum Irfani

---

---

charag chand shafaq sham phul jhil saba
churain sab ne hi kuchh kuchh shabahaten teri

Anjum Irfani

---

---

aat kuchh hogi yaqinan jo ye hote hain nisar
hum bhi ek roz kisi shama pe jal kar dekhen

Anjum Irfani

---

---

ada hua na kabhi mujh se ek sajda-e-shukr
main kis zaban se karunga shikayaten teri

Anjum Irfani

---

---

aaya tha pichhli raat dabe panw mere ghar
pazeb ki ragon mein jhanak chhoD kar gaya

Anjum Irfani

---

---