tere firaq mein dil ka ajib aalam hai
na kuchh KHumar se baDh kar na kuchh KHumar se kam

Ambareen Haseeb ambar

---

---

manus baam-o-dar se nazar puchhti rahi
un mein base wo log purane kahan gae

Ambareen Haseeb ambar

---

---

mohabbat aur qurbani mein hi tamir muzmar hai
dar-o-diwar se ban jae ghar aisa nahin hota

Ambareen Haseeb ambar

---

---

mujh mein ab main nahin rahi baqi
main ne chaha hai is qadar tum ko

Ambareen Haseeb ambar

---

---

pairwi se mumkin hai kab rasai manzil tak
naqsh-e-pa miTane ko gard-e-rah kafi hai

Ambareen Haseeb ambar

---

---

talluq jo bhi rakkho soch lena
ki hum rishta nibhana jaante hain

Ambareen Haseeb ambar

---

---

tashhir to maqsud nahin qissa-e-dil ki
so tujh ko likha teri nishani nahin likkhi

Ambareen Haseeb ambar

---

---

umr-bhar ke sajdon se mil nahin saki jannat
KHuld se nikalne ko ek gunah kafi hai

Ambareen Haseeb ambar

---

---

zindagi mein kabhi kisi ko bhi
main ne chaha nahin magar tum ko

Ambareen Haseeb ambar

---

---