pairwi se mumkin hai kab rasai manzil tak
naqsh-e-pa miTane ko gard-e-rah kafi hai

Ambareen Haseeb ambar

---

---

mujh mein ab main nahin rahi baqi
main ne chaha hai is qadar tum ko

Ambareen Haseeb ambar

---

---

mohabbat aur qurbani mein hi tamir muzmar hai
dar-o-diwar se ban jae ghar aisa nahin hota

Ambareen Haseeb ambar

---

---

manus baam-o-dar se nazar puchhti rahi
un mein base wo log purane kahan gae

Ambareen Haseeb ambar

---

---

ab ke hum ne bhi diya tark-e-talluq ka jawab
honT KHamosh rahe aankh ne barish nahin ki

Ambareen Haseeb ambar

---

---

kya KHub tamasha hai ye kar-gah-e-hasti
har jism salamat hai har zat adhuri hai

Ambareen Haseeb ambar

---

---

kya jaaniye kya soch ke afsurda hua dil
main ne to koi baat purani nahin likkhi

Ambareen Haseeb ambar

---

---

jo tum ho to ye kaise man lun main
ki jo kuchh hai yahan bas ek guman hai

Ambareen Haseeb ambar

---

---

is aarzi duniya mein har baat adhuri hai
har jit hai la-hasil har mat adhuri hai

Ambareen Haseeb ambar

---

---