aankhon mein liye jalwa-e-nairang-e-tamasha
aai hai KHizan jashn-e-bahaaran se guzar ke
Ali Jawwad Zaidi
ab dard mein wo kaifiyat-e-dard nahin hai
aaya hun jo us bazm-e-gul-afshan se guzar ke
Ali Jawwad Zaidi
ab na wo shorish-e-raftar na wo josh-e-junun
hum kahan phans gae yaran-e-subuk-gam ke sath
Ali Jawwad Zaidi
aish hi aish hai na sab gham hai
zindagi ek hasin sangam hai
Ali Jawwad Zaidi
dayar-e-sajda mein taqlid ka riwaj bhi hai
jahan jhuki hai jabin un ka naqsh-e-pa to nahin
Ali Jawwad Zaidi
dikha di main ne wo manzil jo in donon ke aage hai
pareshan hain ki aaKHir ab kahen kya kufr o din mujh se
Ali Jawwad Zaidi
dil ka lahu nigah se Tapka hai bar-ha
hum rah-e-gham mein aisi bhi manzil se aae hain
Ali Jawwad Zaidi
dil mein jo dard hai wo nigahon se hai ayan
ye baat aur hai na kahen kuchh zaban se hum
Ali Jawwad Zaidi
ek tumhaari yaad ne lakh diye jalae hain
aamad-e-shab ke qabl bhi KHatm-e-sahar ke baad bhi
Ali Jawwad Zaidi