jin hauslon se mera junun mutmain na tha
wo hausle zamane ke meyar ho gae

Ali Jawwad Zaidi

---

---

jab kabhi dekha hai ai 'zaidi' nigah-e-ghaur se
har haqiqat mein mile hain chand afsane mujhe

Ali Jawwad Zaidi

---

---

jab chheDti hain un ko gumnam aarzuen
wo mujh ko dekhte hain meri nazar bacha ke

Ali Jawwad Zaidi

---

---

hijr ki raat ye har Dubte tare ne kaha
hum na kahte the na aaenge wo aae to nahin

Ali Jawwad Zaidi

---

---

aankhon mein liye jalwa-e-nairang-e-tamasha
aai hai KHizan jashn-e-bahaaran se guzar ke

Ali Jawwad Zaidi

---

---

hain wajud-e-shai mein pinhan azal o abad ke rishte
yahan kuchh nahin do roza koi shai nahin hai fani

Ali Jawwad Zaidi

---

---

haar ke bhi nahin miTi dil se KHalish hayat ki
kitne nizam miT gae jashn-e-zafar ke baad bhi

Ali Jawwad Zaidi

---

---

guftugu ke KHatm ho jaane par aaya ye KHayal
jo zaban tak aa nahin paya wahi to dil mein tha

Ali Jawwad Zaidi

---

---

ghazab hua ki in aankhon mein ashk bhar aae
nigah-e-yas se kuchh aur kaam lena tha

Ali Jawwad Zaidi

---

---