guftugu ke KHatm ho jaane par aaya ye KHayal
jo zaban tak aa nahin paya wahi to dil mein tha

Ali Jawwad Zaidi

---

---

aankhon mein liye jalwa-e-nairang-e-tamasha
aai hai KHizan jashn-e-bahaaran se guzar ke

Ali Jawwad Zaidi

---

---

ek tumhaari yaad ne lakh diye jalae hain
aamad-e-shab ke qabl bhi KHatm-e-sahar ke baad bhi

Ali Jawwad Zaidi

---

---

dil mein jo dard hai wo nigahon se hai ayan
ye baat aur hai na kahen kuchh zaban se hum

Ali Jawwad Zaidi

---

---

dil ka lahu nigah se Tapka hai bar-ha
hum rah-e-gham mein aisi bhi manzil se aae hain

Ali Jawwad Zaidi

---

---

dikha di main ne wo manzil jo in donon ke aage hai
pareshan hain ki aaKHir ab kahen kya kufr o din mujh se

Ali Jawwad Zaidi

---

---

dayar-e-sajda mein taqlid ka riwaj bhi hai
jahan jhuki hai jabin un ka naqsh-e-pa to nahin

Ali Jawwad Zaidi

---

---

aish hi aish hai na sab gham hai
zindagi ek hasin sangam hai

Ali Jawwad Zaidi

---

---

ab na wo shorish-e-raftar na wo josh-e-junun
hum kahan phans gae yaran-e-subuk-gam ke sath

Ali Jawwad Zaidi

---

---