yahin gum hua tha kai bar main
ye rasta hai sab mera dekha hua

Ahmad Mahfuz

---

---

shor harim-e-zat mein aaKHir uTTha kyun
andar dekha jae ki bahar dekha jae

Ahmad Mahfuz

---

---

suna hai shahr ka naqsha badal gaya 'mahfuz'
to chal ke hum bhi zara apne ghar ko dekhte hain

Ahmad Mahfuz

---

---

tariki ke raat azab hi kya kam the
din nikla to suraj bhi saffak hua

Ahmad Mahfuz

---

---

us se milna aur bichhaDna der tak phir sochna
kitni dushwari ke sath aae the aasani mein hum

Ahmad Mahfuz

---

---

use bhulaya to apna KHayal bhi na raha
ki mera sara asasa isi makan mein tha

Ahmad Mahfuz

---

---

ye kaisa KHun hai ki bah raha hai na jam raha hai
ye rang dekhun ki dil jigar ka fishaar dekhun

Ahmad Mahfuz

---

---

zaKHmon ko ashk-e-KHun se sairab kar raha hun
ab aur bhi tumhaara chehra khila rahega

Ahmad Mahfuz

---

---

ye shughl-e-zabani bhi be-sarfa nahin aaKHir
sau baat banata hun ek baat banane ko

Ahmad Mahfuz

---

---