suna hai shahr ka naqsha badal gaya 'mahfuz'
to chal ke hum bhi zara apne ghar ko dekhte hain

Ahmad Mahfuz

---

---

shor harim-e-zat mein aaKHir uTTha kyun
andar dekha jae ki bahar dekha jae

Ahmad Mahfuz

---

---

ab is makan mein naya koi dar nahin karna
ye kaam sahl bahut hai magar nahin karna

Ahmad Mahfuz

---

---

meri ibtida meri intiha kahin aur hai
main shumara-e-mah-o-sal mein nahin aaunga

Ahmad Mahfuz

---

---

milne diya na us se hamein jis KHayal ne
socha to us KHayal se sadma bahut hua

Ahmad Mahfuz

---

---

kisi se kya kahen sunen agar ghubar ho gae
hamin hawa ki zad mein the hamin shikar ho gae

Ahmad Mahfuz

---

---

kahan kisi ko thi fursat fuzul baaton ki
tamam raat wahan zikr bas tumhaara tha

Ahmad Mahfuz

---

---

hum ko aawargi kis dasht mein lai hai ki ab
koi imkan hi nahin lauT ke ghar jaane ka

Ahmad Mahfuz

---

---

gum-shuda main hun to har samt bhi gum hai mujh mein
dekhta hun wo kidhar DhunDne jata hai mujhe

Ahmad Mahfuz

---

---