aao aaj hum donon apna apna ghar chun len
tum nawah-e-dil le lo KHitta-e-badan mera

Abdullah Kamal

---

---

abhi gunah ka mausam hai aa shabab mein aa
nasha utarne se pahle meri sharab mein aa

Abdullah Kamal

---

---

apne wajud se pare ab
koi bhi rasta nahin hai

Abdullah Kamal

---

---

chamak de chand ko ThanDak hawa ko dil ko umang
udas qisse ko phir ek shahzada de

Abdullah Kamal

---

---

ek musalsal jang thi KHud se ki hum zinda hain aaj
zindagi hum tera haq yun bhi ada karte rahe

Abdullah Kamal

---

---

main tujh ko jagti aankhon se chhu sakun na kabhi
meri ana ka bharam rakh le mere KHwab mein aa

Abdullah Kamal

---

---

tum to ai KHushbu hawao us se mil kar aa gain
ek hum the zaKHm-e-tanhai hara karte rahe

Abdullah Kamal

---

---

wo qayamat thi ki reza reza ho ke uD gaya
ai zamin warna kabhi ek aasman mera bhi tha

Abdullah Kamal

---

---