mujhe yaqin hai
ki tum kaun mehndi se
jab mere adu ka nam
apni KHubsurat kalai par likhogi
to
mera KHayal aate hi
aaKHir ek din
us manhus ke nam par
KHud hi
baDa sa kanTa laga dogi
aur dusri kalai par
mera nam likh kar
use der tak chumti rahogi
main us lamhe ke intizar mein
mutabaadil kalaiyon ki jaanib se mausula
hazaron dil-pazir aafrin
musalsal mustarad kiye ja raha hun
kyunki
duniya ummid par qaem hai
Nazm
Umid
Aziz Faisal