sab mein shamil hai
lab-e-sahil pe ujle sang-rezo ka wajud
jagmagati si jabinon se
ye andaza bhi kar sakte hain
wo mutmain se hain magar
tishnagi ka karb
honTon se bayan hota nahin
aati jati mauj-e-dariya
ye samajhti hai hamesha
sang-reze bhi hain us se faiz-yab
jab bhi chhuTi sang-rezo se rida-e-ehtiyat
un ki saf par
dhup ka hamla hua
tishnagi ka majra ruswa hua
Nazm
Tishna-e-azali
Hameed Almas